Tømrar- og byggmeistertenester i Volda og Ørsta

Vi gir eldre bygg nytt liv – med respekt for det som var, og løysingar for det som kjem.

Mange bygg har solide kvalitetar som er verdt å ta vare på. Vi kartlegg tilstanden, foreslår tiltak og gjennomfører rehabiliteringa med omsyn til både byggjeskikk, energi og framtidig vedlikehald – inkludert tak- og fasadearbeid.

Når behova endrar seg, tilpassar vi bygget – frå ny planløysing til ny bruk.

Vi hjelper deg med å endre planløysing, flytte veggar, byggje på eller ta i bruk nye areal. Vi tek oss av det praktiske, slik at du får eit bygg som passar kvardagen din.

Kjøkken, bad, golv eller heile bustaden – vi pussar opp med godt handverk.

Frå små oppgraderingar til totalrenovering. Vi planlegg saman med deg, held deg oppdatert undervegs og leverer eit ryddig og gjennomført resultat.

Gode innkjøpsavtalar og faste leverandørar gir deg rette materialar til konkurransedyktige prisar.

Vi har gode innkjøpsavtalar og faste leverandørar, og kan tilby konkurransedyktige prisar på vindauge, dører, kjøkken, peis, garasjeportar, glasrekkverk, kledning, trapper og rekkverk – og det du elles måtte ønskje til prosjektet ditt.

Frå tomt til nøkkelferdig bygg – bustad, hytte eller tilbygg.

Vi byggjer nytt med solid fagkunnskap og tett dialog. Saman finn vi løysingar som passar tomta, budsjettet og ønska dine – og vi følgjer prosjektet heilt i mål. Vi byggjer også tilbygg og påbygg når du treng meir plass.

Gode prosjekt startar med god planlegging.

Vi hjelper deg med å avklare behov, utarbeide teikningar, byggjemeldingar og søknader om løyve, og leggje ein realistisk plan med prisberekning for gjennomføringa.

Arkitektur som tek omsyn til staden, lyset og menneska som skal bu der.

Vi hjelper deg med å forme bustaden du drøymer om, anten du ønskjer eit tradisjonelt, klassisk eller moderne uttrykk. Med fokus på funksjonalitet, estetikk og gode løysingar gir vi råd og rettleiing gjennom heile prosessen. Vi tilbyr idéskisser, fasadeteikningar, planløysingar, snitt og 3D-visualisering som gjer det enklare å sjå moglegheitene før bygginga tek til.